Мәжіліс фонограммаға қатысты талаптарды күшейтті

Мәжіліс фонограммаға қатысты талаптарды күшейтті, деп хабарлайды Arbat.Media.

Мәжілісте мәдениет пен білім беру саласына қатысты заң жобасы екінші оқылымда қаралды. Құжатта әншілердің фонограмма қолдануына байланысты талаптар бекітілді.

Депутат Ринат Зайытовтың айтуынша, бұқаралық мәдени іс-шараларда фонограмма (плюсовка) пайдалануға заңмен тыйым салынады.

Заң бұзған ұйымдастырушыларға мың айлық есептік көрсеткішке дейін айыппұл салынады. Бұл шамамен 3,9 млн теңге. Келер жылдан бастап айыппұл көлемі 4,3 млн теңгеге дейін өседі.