«Мүгедектерді сыйлайық, Алла оларды онсыз да жазалады»: Алматы облысы әкімінің бірінші орынбасары сөзге қалды

Алматы облысы әкімінің бірінші орынбасары Қанат Есболатовтың халықпен кездесуде айтқан сөзі шу болды, деп хабарлайды Arbat.Media.

Талғарда өткен жиында Денсаулық сақтау министрі Ақмарал Әлназарова да болған. Шенеунік толығырақ былай деген:

"Мүгедектерді сыйлайық, оларды онсыз да Құдай сынады. Алла сіздерді мұндай сынақтардан сақтасын. Әрдайым дендеріңіз сау, аман болыңыздар".

Көпшілік оның сөзін кемсітушілік әрі қорлау деп бағалады.

Кейіннен шенеунік сөзінің қате жеткізілгенін айтты. Ол “Құдай үлкен сынақ берген” деп айтпақ болғанын жеткізді. Осылайша көпшіліктен қателік үшін кешірім сұрады.