Өскеменде кезекшілік кезінде белгісіз жаққа кеткен сарбаз іздестіріліп жатыр

Өскеменде мерзімді әскери қызметтегі сарбаз жоғалып кетті. Ол кезекшілік атқарып жүрген кезде әскери бөлім аумағынан шығып, белгісіз бағытқа кеткен, деп хабарлайды Arbat.Media.

Әскери полицияның мәліметінше, 2004 жылы туған Мархан Айқын Ерланұлы 23 шілде күні таңғы сағат 06:30 шамасында №27943 әскери бөлімнің қару-жарақ және оқ-дәрі қоймасында кезекшілікте болған.

Қазір сарбазды іздеу жұмыстары жүргізіліп жатыр. Құзырлы органдар оның жүрген жері туралы ақпарат білетін азаматтарға ақшалай сыйақы берілетінін жеткізді .

Белгілері: бойы – 177 см, салмағы – шамамен 80 кг, дене бітімі орташа, көзі мен шашы қара түсті. Бетінде меңдері бар. Әскери формасын ауыстырып, азаматтық киім киіп жүруі мүмкін.