Павлодар облысында өрттен екі баласынан айырылған отбасына баспана берілді

Павлодар облысында өрттен екі баласынан айырылған отбасы жаңа баспанаға көшеді, деп хабарлайды Arbat.Media.

Павлодар облысында өрт кезінде екі баласынан айырылған отбасына баспана берілді. Жергілікті атқарушы органдар тарапынан отбасы тұрғын үймен қамтамасыз етіліп, жылы киім, тұрмыстық жиһаз және қажетті төсек-орын жабдықтары ұсынылды.

Еске салайық, өткен бейсенбі күні Павлодар облысы, Ертіс ауданында жеке тұрғын үйден өрт шығып, 8 және 5 жастағы екі бала көз жұмған. Ал құтқарылған екі баланың бірі қазір ауруханада.