Полицейлер боранда 2700-ден астам көлікке жол бастады

Бүгін еліміздің бірқатар өңірінде ауа райының күрт нашарлауына байланысты патрульдік полиция қызметкерлері күшейтілген қызмет режиміне көшті, деп хабарлайды Arbat.Media.

Қалың қар мен қатты боран салдарынан көріну төмендеп, республикалық және облыстық маңызы бар жолдардың жекелеген учаскелерінде қозғалысқа уақытша шектеу енгізілді.

Жолдағы жағдай тұрақталып, қозғалыс қайта ашылғаннан кейін полицейлер жол қозғалысы қауіпсіздігін қамтамасыз ету мақсатында көліктерге ілесіп жүру жұмысын ұйымдастырды.

Жалпы алғанда, полиция 12 автоколоннаны ұйымдастырды. Полицияның бақылауымен 2731 көлік жүріп өтті. Оның ішінде 2139-ы жеңіл автокөлік болса, 592-сі жүк көлігі.