Президент медицина қызметкерлерін қорғайтын заңға қол қойды

Президент медицина қызметкерлерін қорғайтын заңға қол қойды, деп хабарлайды Arbat.Media.

«Бұрын медицина қызметкерлеріне шабуыл жасау жай бұзақылық болып саналатын. Енді заң жүзінде қызмет бабындағы дәрігер мен жедел жәрдем жүргізушісі арнайы субъект ретінде бекітілді», - деп атап өтті депутат Аймағамбетов.

Енді зорлық-зомбылық қолданамын деп қорқытқаны үшін:

200-ден 500 АЕК дейін айыппұл;

сол мөлшерде түзеу жұмыстары;

300 сағатқа дейінгі қоғамдық жұмыстар;

2 жылға дейінгі мерзімге шектеу немесе бас бостандығынан айыру көзделеді.

Өмір мен денсаулыққа қауіпті зорлық-зомбылықты қолдану 5 жылдан 10 жылға дейін, ал ауырлататын жағдай болған кезде 7 жылдан 12 жылға дейін бас бостандығынан айырылады.