Қарағанды облысында алапат өрт шықты: Зардап шеккендер бар

Қарағанды облысындағы Жаңатоған ауылының маңында ауқымды дала өрті шықты, деп хабарлайды Arbat.Media.

Қазір өртті сөндіру жұмыстары жалғасып жатыр

Төтенше жағдайлар министрлігінің мәліметінше, өртті ауыздықтауға қатты жел мен таулы жер бедері кедергі келтіруде. Осыған байланысты кейбір өрт ошақтарына жету қиындап, жалынның одан әрі таралу қаупі сақталып отыр.

Құтқарушылар өртті оқшаулау және толық сөндіру жұмыстарын жүргізуде. Оқиға орнына ТЖД-ның қосымша күштері мен арнайы техникалары жіберілген. Сондай-ақ жедел штаб құрылды.

Қазіргі таңда жалынның елді мекен аумағына таралуына жол берілмеген. Өртті сөндіру жұмыстары тәулік бойы жүргізіліп жатыр.