Қарағанды облысында теміржол станциясына баған құлап, адамдар зардап шекті

Қарағанды облысындағы Саяқ теміржол станциясында төтенше жағдай болды. Алып баған темір жолға құлады, деп хабарлайды Arbat.Media.

Жол құрылысы кезінде алып балка опырылып, теміржолға құлады. Оқиға 12 тамыз күні болғанымен, әлеуметтәк желіде бұл туралы ақпарат бүгін ғана тарады.

«Қазақстан темір жолы» АҚ ақпаратты растады және құрылыс жұмыстарына жеке мердігер компания жауапты екенін мәлімдеді.

Полиция «еңбекті қорғау ережелерін бұзу» фактісі бойынша қылмыстық іс қозғалғанын атап өтті.

Қарағанды облысы Денсаулық сақтау басқармасының мәліметінше, бір жәбірленуші жансақтау бөлімінде жатыр. Тағы үшеуі ауруханаға жатудан бас тартқан.