“Қатерлі ісік”: Белгілі сценарист Нұрлан Санжар жансақтау бөліміне түсіп қалды

Жазушы, сценарист Нұрлан Санжар өкпенің қатерлі ісігіне шалдыққан. Бүгін ол жансақтау бөліміне түсті, деп хабарлайды Arbat.media.

Сценарист бұған дейін өкпенің қатерлі ісігімен ауырып ауруханаға түскен еді. Алайда оның жағдайы күннен-күнге нашарлап барады. Ол медициналық көмекке мұқтаж. Танымал сценарист елдегі белді кәсіпкерлердің қол ұшын созуын қалайды.

Қазақ руханиятына өлшеусіз үлес қосқан киносценарист, жазушы, философия ғылымдарының кандидаты Нұрлан Санжар Еуропадағы Lambert академиялық баспасынан алты ғылыми кітабы жарық көрген ғалым. “Жошы”, “Бату”, “Періште”, “Қызыл қар” романдарының авторы. Бұған қоса, баспадан шықпаған тоғыз қолжазбасы бар. Киносценарист ретінде де ол қазақ кино өнеріне өзіндік қолтаңбасын қалдырды. Оның “Оралман”, “Өліара”, “Аллажар” фильмдері қазақ киносының қоржынына қосылған үлкен мұра.