Қазақстанда доллар бағамы 3 теңгеге арзандады

Қазақстанда доллардың 13 мамырдағы бағамы белгілі болды, деп хабарлайды Arbat.media.

Қазақстан қор биржасындағы KASE күндізгі саудасының қорытындысы бойынша доллардың орташа бағамы 3,33 теңгеге төмендеп, 510,06 теңге болды. Айта кетейік, Ұлттық банктің 13 мамырда белгілеген ресми бағамы - 513,74 теңге.

kurs.kz мәліметінше, дәл қазір Алматының ақша айырбастау орындарында долларды сатып алудың орташа бағамы 510,63 теңгеге, ал сату бағамы 513,37 теңгеге тең. Астананың ақша айырбастау орындарында америкалық валюта орта есеппен 508,30 теңгеден сатып алынып, 514,30 теңгеден сатылып жатыр.