Қазақстанда миллион теңгеден асатын жалақыны кімдер алады?

2026 жылдың бірінші тоқсанының қорытындысы бойынша Қазақстандағы орташа айлық атаулы жалақы 445 068 теңге болды,деп хабарлайды Arbat.Media.

Елде ең жоғары жалақы алатындар әлі де тау-кен өндіру саласының мамандары болып отыр.Бір жыл ішінде бұл көрсеткіш 11,5%-ға өскенімен, инфляцияны ескергенде халықтың нақты табысы іс жүзінде өзгерген жоқ — нақты жалақы индексі 99,8% болды. Мұндай деректерді Ұлттық статистика бюросы жариялады.Ең жоғары жалақы бұрынғыдай өндіріс саласында.

Қаңтар–наурыз айларында тау-кен өнеркәсібі мамандары орта есеппен айына 1 020 632 теңге алған. Одан кейін қаржы және сақтандыру қызметі (орташа жалақы – 941 411 теңге), ақпарат және байланыс саласы – 779 288 теңге, өнеркәсіп – 620 775 теңге және көлік пен қоймалау – 599 489 теңге.

Өңдеу өнеркәсібінде орташа айлық жалақы 508 854 теңге болды. Ал ең төмен жалақы ауыл шаруашылығында – 268 096 теңге, қонақүй және мейрамхана бизнесінде – 284 186 теңге.