Қазақстанда шошқа тұмауының 5 жағдайы тіркелді

Қазақстанның екі өңірінде шошқа тұмауының бес жағдайы анықталды. Оның үшеуі Астанада, екеуі Маңғыстау облысында тіркелген. Қазіргі уақытта эпидемиологиялық жағдай бақылауда, деп хабарлайды Arbat.Media.

Ауру кенет басталып, дене қызуының көтерілуі, бас ауруы, қалтырау, әлсіздік, бұлшықет пен буындардың ауыруы сияқты белгілермен көрінуі мүмкін. Сондай-ақ жөтел, тамақ ауруы, мұрыннан су ағу және көзді қозғалтқанда ауырсыну байқалады.

Мамандардың айтуынша, шошқа тұмауы вирустық пневмонияға және басқа да асқынуларға әкелуі мүмкін. Пневмония кей жағдайда аурудың алғашқы белгілері пайда болғаннан кейін 3–5 күн ішінде дамиды.