Қазақстанда зейнетақы шегінің мөлшері 79%-ға дейін өседі

Қазақстанда зейнетақы шегінің мөлшері 79%-ға дейін өседі. Бұл туралы Еңбек министрі Асқарбек Ертаев мәлімдеді, деп хабарлайды Arbat.Media.

«Көрсеткіш әртүрлі болады. 23–35 жас және 35–63 жас аралығы бойынша есептеледі. Шамамен 79%-ға дейін өседі», — деді министр.

Оның сөзінше, шекті мөлшерді осы айдың соңына дейін көтеру жоспарланып отыр.

Алайда ол ең жоғары өсім нақты қай жас санатына қатысты болатынын нақтыламады.

Ертаевтың сөзінше, бұл өзгеріс зейнетақы жинағын мерзімінен бұрын шешіп алуды азайту үшін қолға алынған. Себебі мұндай жағдай «көбейіп кеткен».

Соңғы бес жылда Қазақстан азаматтары зейнетақы жинағынан 7 триллион 700 миллиард теңге шешіп алған.