Қазақстаннан Қытайға ұшу жеңілдейді: жаңадан қандай бағыттар ашылады?

Қазақстаннан Қытайға ұшу жеңілдейді, деп хабарлайды Arbat.Media.

Қазақстан мен Қытай арасындағы әуе рейстерінің саны аптасына 124-тен 152-ге дейін артатын болды. Бұл жөнінде Бейжіңде өткен екіжақты келіссөздердің қорытындысы бойынша Азаматтық авиация комитеті (ААК) мәлім етті. Келіссөздер барысында қазақстандық әуе тасымалдаушылары үшін Қытай әуежайларынан слоттар бөлу мәселесі және Астана мен Шанхай қалалары арасында тікелей әуе қатынасын ашу мүмкіндіктері талқыланды. Сонымен қатар Қазақстаннан ұшуға болатын Қытайдың ірі қалаларының тізімі 11 пунктке дейін кеңейтілді. Олардың қатарына жаңадан Чунцин қаласы қосылды.