Қостанай облысында ер адам әйелінің бұрынғы күйеуінен 1,5 млн теңге бопсалаған

Қостанай облысында әйелінің экс-күйеуінен ақша бопсалаған ер адам ұсталды, деп хабарлайды Arbat.Media.

Қостанай облысында ер адам әйелінің бұрынғы күйеуінен жүйелі түрде ақша ала отырып, 1,5 млн теңге бопсалаған.

30 жастағы қостанайлық бұрын тұрмыста болған әйелге үйленеді. Ол әйелдің 11 жастағы ұылмен бірге тұрады.

Ер адам әйелінің экс-күйеуіне ұлының жол апатына кінәлі болып қалғанын айтып, 750 мың теңге алады. Онысымен қоймай, баланың әкесіне ұлын полицейлер ұстап алды деп тағы 650 мың теңге сұрайды. Кейін күдікті жәбірленушіден тағы да 1,5 миллион теңге талап етеді. Сонымен қатар, оған үнемі қоңырау шалып, мазасцн алып отырған.

Жәбірленуші полицияға жүгінді. Ер адам ұсталып, «бопсалау» бабы бойынша тергеуге алынды.