Қостанайда облыстық денсаулық сақтау басқармасында орынбасар ұсталды

Қостанай облысында облыстық денсаулық сақтау басқармасы басшысының орынбасары Ерболат Доспанов қамауға алынды, деп хабарлайды Arbat.Media.

«ҚР ҰҚК Қостанай облысы бойынша департаменті облыстық денсаулық сақтау басқармасы басшысының орынбасары Е. Доспановты ұстағанын хабарлады. Ол лауазымдық өкілеттіктерін теріс пайдаланды деген күдікке ілінді», – деп мәлімдеді ақпарат көздері.

Ведомство өкілдері Қылмыстық-процестік кодекстің 201-бабына сәйкес, тергеуге қатысты басқа мәліметтер әзірге жария етілмейтінін айтты.

Бұған дейін бұл өңірде басқарманың бұрынғы басшысы Данияр Жандаев та ұсталған еді. Ол медициналық жабдықтар сатып алу кезінде қызметін асыра пайдаланды деген күдікке ілінген еді.