Қызғалдақпен суретке түскен әкімге қатысты сот отырысы басталды

Ақтөбе облысында қызғалдақпен суретке түскен әкімге қатысты сот отырысы басталды, деп хабарлайды Arbat.media.

Сот отырысында Мұғалжар ауданы Жұбанов ауылдық округінің әкімі кінәсін мойындамады. Айтуынша, гүлді отбасымен табиғат аясында демалып жүргенде қыздары сыйлаған. Ал ол жерде өсімдікті жұлуға болмайтыны туралы ескерту белгілері болмаған.

Арнайы шақырылған маман да суреттегі қызғалдақтың «Қызыл кітапқа» енген түрі екенін нақты айта алмады. Сот отырысы кейінге қалдырылды.

Айта кетейік, әкім қызғалдақпен түскен суретін әлеуметтік желіге салып, ол құқық қорғаушылардың назарын аударған. Нәтижесінде, оған қатысты әкімшілік хаттама толтырылған.