Ресей-Украина соғысы: екі ел жер бөліспек

Ресей мен Украина бейбіт келісімге келу үшін жерді бөлу мәселесін де талқылап жатыр, деп хабарлайды Arbat.media.

Бұл туралы АҚШ президенті Ақ үйдегі баспасөз брифингі кезінде айтты. Дональд Трамп жақын арада Украинада атысты толық тоқтатуға мүмкіндік болады деген үмітте екенін жеткізді.

"Кейін келісім жасаймыз. Қазір ол талқыланып жатыр: жерді бөлу және басқа да жайттарға қатысты”, – деді Трамп.

Еске салсақ, 23 наурызда Сауд Арабиясындағы Жидда қаласында Украинада атысты тоқтату мәселесі бойынша келіссөздің кезекті раунды өтеді.

Оған АҚШ, Украина және Ресей өкілдері қатысады. Алайда РФ мен Украина өкілдері бір-бірімен кездеспейді.

Екі ел 30 күн соғысты тоқтату келісіміне келген.