Дубай шейхтарының кешіндегі сұмдық: тың деректер

Дубайда шейхтардың кешінен кейін мүгедек болып қалған украиналық модель Мария Ковальчуктың ісіне қатысты жаңа мәліметтер пайда болды, деп хабарлайды Arbat.media Stan.kz ақпарат агенттігіне сілтеме жасап.

Әлемдік басылымындардағы деректер бойынша, модельдің таныстары қызды жоғалып кетер алдында көріп, оның бойындағы өзгешеліктерді байқаған. Сол кезде қыз тұрақсыз эмоционалды жағдайда болған. Яғни түсініксіз байбаламға салынған. Басқа нұсқа бойынша бұл бірнеше күнге созылған үздіксіз кештердің әсерінен болуы мүмкін.Жергілікті полиция модельдің құрылыс алаңында биіктен құлап кетуі мүмкін екенін болжап отыр.

"Дубай полициясы бұған дейін жоғалып кеткен деп есептелген Украина азаматшасының қазіргі уақытта ауруханаға жатқызылғанын және отбасының қатысуымен медициналық көмек алып жатқанын растады. Тергеу нәтижесінде оның шектеулі қолжетімділігі бар құрылыс алаңына жалғыз кіріп, биіктіктен құлап, ауыр жарақат алғаны анықталды", – деп хабарлады Дубай полициясы.

Алайда қыздың анасы полицияның бұл қорытындысына сеніп отырған жоқ. Модель Мария Ковальчуктың туыстары оның биіктен құлап, қол-аяғы мен омыртқасын сындырды деген Дубай полициясының қорытындысын жалған ақпарат деп атады. Анасы 20 жастағы модель қызының әлі де ауыр халде ауруханада жатқанын хабарлады. Қыздың туыстары Марияның қазіргі жағдайы тікелей Дубай шейхтерінен кесірінен болғанын алға тартады.

19 наурыз, сәрсенбі күні, 20 жастағы украиналық модель Мария Ковальчук, туыстарымен бір аптадан астам уақыт байланысқа шықпағаннан кейін, Дубайдағы клиникалардың бірінде жансақтау бөлімінен табылды. БАҚ мәліметтері бойынша, жоғаларынан бір күн бұрын ол модельдік индустрияға қатысы бар деген белгісіз екі ер адаммен бірге кешке барған. Кейін ол көшеде аяқ-қолы мен омыртқасы сынған күйде табылды.