«Республика күніне орай»: Қазақстандықтарға бірреттік төлем беріледі

Республика күніне орай кейбір астаналықтарға бірреттік төлем беріледі, деп хабарлайды Arbat.Media.

Астана әкімдігі Республика күніне орай атаулы әлеуметтік көмек алушыларға қосымша бірреттік төлем жасайды. Оның мөлшері – 4,5 АЕК немесе шамамен 17,7 мың теңге.

Бірреттік көмек мұқтаж азаматтарға әлеуметтік көмек көрсету ережелеріне сәйкес беріледі. Төлем 25 қазанда жасалмақ.

Көмек алушылардың тізімін Жұмыспен қамту және әлеуметтік қорғау басқармасы қалыптастырады. Қаражат 25 қазанға дейін АӘК алған азаматтардың өтініші бойынша аударылады.