Шетпеде теміржолға шығып кеткен көлік жүргізушісі қаза тапты

Маңғыстау облысының Шетпе ауылында Toyota Camry көлігі теміржол рельстеріне шығып кеткен, - деп хабарлайды Arbat.media.

Автокөліктің 42 жастағы жүргізушісі оқиға орнында жан тапсырды.

Шетпе ауылындағы теміржол бойында болған жол-көлік оқиғасы туралы шақырту 102 кезекші пультіне 4 желтоқсан күні сағат 04:50 шамасында түскен.

«Бұл факт ҚР ҚК 345-бабы 3-бөлігі бойынша Маңғыстау ауданы Пб СДТБТ-де тіркелді. Тергеу амалдары жүргізіліп жатыр. Сот-медициналық сараптама тағайындалды. Тергеу мүддесіне байланысты өзге ақпарат жария етілмейді», — деп мәлімдеді Маңғыстау облыстық полиция департаментінің баспасөз қызметі.