Степногорда тұрғындар жылусыз және электр жарығынсыз қалды

Степногор қаласында жылу энергия орталығындағы апатқа байланысты тұрғындар жылу және электр жарығынан ажыратылды. Қала әкімдігі қазіргі кезде қалпына келтіру жұмыстары жүргізіліп жатқандығын мәлім етті, - деп хабарлайды Arbat.media.

«10 ақпанда сағат 13:27–де 220кВ КЕГОК желісі бойынша электр энергиясы сөндірілді, 14:07-де электр энергиясын беру қалпына келтірілді, 14:15-те бесінші энергетикалық қазандық пен су жылыту қазандығын жағу басталды, 14:20-да жылу трассасында айналымды қалпына келтіру үшін желілік сорғы іске қосылды, «Степногорск Теплотранзит» ЖШС сорғыларды іске қосады», - делінген Степногор қаласы әкімдігінің мәліметінде.

Осы ретте, әкмідік тұрғындарды сабырлы болуға және тек ресми дереккөздерге сенуге шақырды.