Студент Алматыдағы белді университеттің 14-қабатынан секіріп кетті

Алматыда бойжеткен 14-қабаттан секіріп кеткен, деп хабарлайды Arbat.Media.

Кейбір дереккөздердің хабарлауынша, Әл-Фараби атындағы Қазақ ұлттық университетінің бірінші курс студенті университеттің ректорат ғимаратынан секірген болуы мүмкін.

Алматы қалалық полициясы оқиғаның болғанын растады, алайда қыздың жеке басы мен қай ғимараттан құлағаны туралы нақты ақпарат бермеді. Бұл факті бойынша Бостандық аудандық полиция басқармасы қылмыстық іс қозғады.

Алматы қалалық полиция департаментінің мәліметінше, оқиғаның себебі отбасылық жағдайлар болуы мүмкін.