Сұлтан Сәрсемәлиев қайын апасын 32 рет пышақтағанын мойындады

Атырауда бүтін бір отбасыны өлтірді деген күдікті Сұлтан Сәрсемәлиев қайын апасын 32 рет пышақтағанын мойындады, деп хабарлайды Arbat.Media.

Жауап алу барысында ол Наурыз Мұқанғалиевті қасақана өлтірді деген айыппен келіспейтінін айтты. Сәрсемәлиевтің сөзінше, ер адам "абайсызда" қаза болған, ал өзі сол сәтте тек өзін қорғағанын айтты.

Сонымен қатар басқа эпизодтар бойынша айыпталушы әрекеттерін қасақана жасағанын мойындады. Ол Максот Қарабалинге тоғыз рет пышақ сұққанын, Үтешқалиеваға – сегіз рет, ал Мейрамгүл Қарабалинаға – 32 пышақ жарақатын салғанын растады.

Сондай-ақ Сәрсемәлиев ұрлық, алаяқтық және құжаттарды заңсыз иемдену баптары бойынша да кінәсін мойындады. Оның айтуынша, кісі өлтіргеннен кейін ол бұл әрекеттерді қылмыстың ізін жасыру үшін жасаған.

Тергеу нұсқасына сәйкес, қаза тапқандар айыпталушының қайын жұрты болған.