Шымкентте баласына 6 млн теңге қарыз болған әке сотталып кетті

Шымкентте алимент бойынша қарызы бар борышкер сотталды, деп хабарлайды Arbat.media.

Сот борышкерден кәмелетке толмаған баланы асырау үшін барлық табыс түрлерінің 1/4 бөлігі мөлшерінде алимент өндіру туралы қаулы шығарған. Сот орындаушысының қаулысының негізінде борышкердің қарыз сомасы 6 млн теңгеден асқандығы анықталған.

Алайда. Ол 2007 жылдан бері қарызын төлемеген.

Сот үкімімен «С» есімді борышкерге ҚР ҚК 139-бабымен 1 жылға бас бостандығын шектеу жазасы тағайындалды.

Қала прокуратурасы алимент төлемегені үшін екі жылға дейін бас бостандығынан шектеу немесе бас бостандығынан айыру түріндегі жаза қарастырылғанын ескертеді.