Шымкентте түрменің үш қызметкері қамауға алынды

Шымкентте түрменің үш қызметкері қамауға алынды. Олар азаптау ісі бойынша күдікке ілінді, деп хабарлайды Arbat.Media.

Өңірлік өкіл жеке қабылдау өткізгенде сотталғандардың бірі арызданған.

Айтуынша, былтыр жазда мекеме қызметкерлері қолына кісен салып, ұрып-соғып, темір торға іліп қойған.

Осылайша, 4 сағат бойы асулы күйде ұстаған. Онымен қоймай, аяқ киімін шешіп, табанынан шоқпармен ұрған.

Ал тағы бір сотталғанның жақ сүйегін сындырған.

Адамдар тобымен жасалған азаптау фактілері бойынша қылмыстық іс қозғалды.