Талғардағы қайғылы оқиға бойынша жәбірленушінің адвокаты мәлімдеме жасады

Талғарда баласы ұрланып, ағасы қаза болған қыздың отбасының адвокаты Гаухар Сәриева қайғылы оқиғаға байланысты пікір білдірді, деп хабарлайды Arbat.Media.

Адвокат әлеуметтік желіде оқиға болғаннан кейін күдіктінің туыстары жәбірленуші қызды қылмыскермен таныс болғаны үшін "кінәлі" деп айыптай бастағанын жазды.

"Айта кеткім келеді: агрессивті немесе қауіпті адаммен кездесуден ешкім сақтандырылмаған. Бұл әркімнің басынан өтуі мүмкін. Ешбір сөз, әрекет немесе жағдай өлтіруге, ұрлауға немесе қорлауға құқық бермейді. Кінәні жәбірленушінің мойнына ілу – қылмыскерді ақтау деген сөз", – деп жазды Сәриева.

Оның айтуынша, бұл трагедия "белгісіз адаммен танысудан" емес, қылмыскерді дер кезінде тоқтатпағандықтан болған.