Тоқаев Трамп атындағы «бейбітшілік» марапатын құруды ұсынды

Мемлекет басшысы Қасым-Жомарт Тоқаев Бейбітшілік кеңесінің алғашқы отырысына қатысып жатыр, деп хабарлайды Arbat.Media.

Жиын Вашингтондағы Дональд Трамп атындағы бейбітшілік институтында өтіп жатыр. Тоқаев Бейбітшілік кеңесі аясында арнайы марапат тағайындау жөнінде бастама көтерді.

«Мен Бейбітшілік кеңесінің аясында президент Дональд Трамп атындағы арнайы сыйлық тағайындауды ұсынғым келеді. Бұл марапат оның бейбітшілікті нығайту жолындағы айрықша жетістіктерін мойындауға бағытталмақ», – деді Тоқаев.