Түркістан облысында әкесін соққыға жыққан ер адамның әйелі де сотталуы мүмкін

Түркістан облысында әкесін ұрып-соққан адамның әйеліне де қылмыстық іс қозғалды, деп хабарлайды Arbat.Media.

Қайғылы оқиға қыркүйек айының басында болды. Желіде ер адамның қарт кісіні ұрып жатқаны түсірілген видео тараған еді. Кадрдан қарияның беті қанға боялғанын көруге болады. Ақсақал орнынан тұра алмаған соң, баласы әйелін шақырып, екеуі ақсақалды сүйреп әкетеді.

Кейін видеодан ер адамның әкесін ұрып-соққаны анықталды. Ал әйелі оны тоқтатпаған. Видеоны көршісі жасырын түсіріп алған.

Осыдан кейін күдікті ұсталып, уақытша ұстау изоляторына қамалған. Ал әйеліне қатысты тергеу жүріп жатқан еді.