Түркістан облысында полицейлер өздеріне оқ атқан ер адамды атып өлтірді

Түркістан облысында полицейлер өздеріне оқ атқан ер адамды атып өлтірді, деп хабарлайды Arbat.Media.

Оқиға Мақтаарал ауданында болған.

Әйел полицейлерге бұрынғы жұбайының үйге қарумен келгенін хабарлағаннан кейін тәртіп сақшылары көмекке келген.

Олар оқиға орнына барған кезде күдікті сол маңдағы сарайда жасырынып, полицейлердің талаптарын елемеген.

Содан кейін оларға қарсы оқ атып, біреуін жамбасынан жарақаттаған. Полицейлер алдымен бірнеше ескерту оқтарын атқан. Алайда ер адам қарсы оқ атуын тоқтатпаған.

Кейін полицейлер оны атып қана атысты тоқтатты.