Түркістанда 4 баласымен жоғалған келіншек табылды

Бұған дейін журналист Гүлмира Әбіқай көпбалалы ананың кенеттен жоғалып кеткені туралы дабыл қаққан еді,деп хабарлайды Arbat.Media.

Отырар ауданында Ұлдана есімді келіншек осыдан бір апта бұрын төрт баласымен бірге хабар-ошарсыз кеткен. Жоғалған әйел балаларымен бірге таксимен келе жатқан жерінен анықталып, полиция бөліміне жеткізілді. Келіншек күйеуімен арада болған тұрмыстық келіспеушіліктен кейін ренжіп, балаларын және құжаттарын алып, Шымкентке кетіп қалған. Онда ешкімге айтпастан пәтер жалдап тұрған. Қазір отбасы мүшелері өзара татуласып, үйіне аман-есен оралды.