Түркияда Сұлтан Сүлейменді сомдаған атақты актер сотталды

Сұлтан Сүлейменнің бейнесін сомдаған танымал түрік актер Халит Эргенчке қатысты Түркияда шартты жаза тағайындалды, деп хабарлайды Arbat.media.

Бұл шешім Гези саябағындағы жаппай наразылықтарға байланысты қозғалған іс аясында шығарылған.

Стамбұлдағы сот актерді жалған куәлік берді деп айыптап, бастапқыда 2 жыл 3 ай мерзімге бас бостандығынан айыру туралы үкім шығарған. Алайда оның тәртібі мен бұрын қылмыстық жауапкершілікке тартылмағаны ескеріліп, жаза 1 жыл 10 айға қысқартылды.

Сот шешімі кейінге шегеріліп, нәтижесінде Халит Эргенч шартты түрде жазаланған.