Үкімет ипотеканың бастапқы жарнасын төмендетпекші

Премьер-министр Олжас Бектенов қазақстандықтар үшін баспана сатып алуды қолжетімді ету мақсатында бастапқы жарнаны төмендету бойынша ұсыныстар әзірлеуді тапсырды, деп хабарлайды Arbat.Media.

Бұл іспен Қаржы нарығын реттеу агенттігі мен Өнеркәсіп және құрылыс министрлігі айналысады.

Сондай-ақ үкімет басшысы 20,4 млн шаршы метр тұрғын үйді пайдалануға беруді қамтамасыз етуді тапсырды. Бұл ретте жаңа үйлер барлық қажетті инфрақұрылыммен және абаттандырумен қамтылуы тиіс. Әкімдіктерге жер учаскелерін алдын ала дайындауды және инженерлік желілерді тартуды жеделдету тапсырылды.