Жамбылда ресми түрде өлді деп танылған адам тірі боп шыққан
Талапкердің 1953 жылы туған анасы 2024 жылдың тамызында әпкесімен бірге Тараз қаласына тұруға кетіп, 2025 жылы Құрбан айт мерекесінен кейін жоғалып кеткен, деп хабарлайды Arbat.Media.
Әпкесі бұл туралы полицияға хабарлаған. Бір жылдан кейін, 2025 жылдың тамызында ауылдағы өрістен мәйіт табылып, өлім фактісі бойынша қылмыстық іс қозғалған.
Табылған мәйітті әпкесі мен ұлы жоғалған адамның денесі деп танып, қайтыс болғаны туралы жазба тіркеліп, қайтыс болғаны туралы куәлік берілген.
Алайда, 2025 жылдың қыркүйегінде талап қоюшының анасы Жамбыл ауданы Қостөбе ауылындағы ағасының үйіне келген. Талап қоюшы анасының құқықтық мәртебесін қалпына келтіру үшін қайтыс болғаны туралы жазбаның күшін жою және жарамсыз деп тану туралы талап арызбен сотқа жүгінді.
Талап қоюшы жоғалған анасының кез-келген уақытта туыстарына немесе басқа да жерлерге кетіп, ұзақ уақыт үйде болмайтын әдеті болғанын түсіндірді.
Жамбыл аудандық соты табылған дененің басқа адамның денесі екенін анықтады. Полиция денені эксгумация жасап, қайта сот-медициналық және генетикалық сараптама тағайындады. Қайтыс болған адамның жеке басы анықталып, қылмыстық іс тоқтатылды.