«Заң бұзғандар жауап береді»: Президент тағы да ұстаздарды қорғауға кірісті

Президент тағы да ұстаздарды қорғауға кірісті, деп хабарлайды Arbat.Media.

«Мен сөз басында ұстаздардың өз міндетінен тыс жұмыстардан босатылғанын айттым. Бірақ кейде жергілікті билік өкілдері заң талаптарын өрескел бұзып жатады. Прокуратура органдары мұндай заң бұзушылықтарға тосқауыл қоюы керек. Сондай-ақ балаларға қатысты кез келген жазатайым жағдай үшін де мұғалімді жазалау орынсыз деп санаймын», - деді Қасым-Жомарт Тоқаев.

Мұғалімнің қоғамдағы беделі мен мәртебесін мейлінше арттыру мемлекеттің кезекті міндеті. Сондықтан Президент ұлағатты мамандық иелерінің құқығын қорғау үшін «Педагог мәртебесі туралы» заңға тиісті өзгерістер енгізуді ұсынды.