Алдағы күндері елімізде қар жауып, көктайғақ болады

Алдағы үш тәулікте Қазақстанның басым бөлігінде ауа райы құбылмалы болады. Жауын-шашын жаңбыр мен қар түрінде түседі, деп хабарлайды Arbat.Media.

Елдің оңтүстік-шығысындағы таулы аудандарда қар аралас жаңбыр жауып, көктайғақ болуы мүмкін. Ал 13 қарашадан бастап оңтүстікте жауын-шашын тоқтайды. Республика бойынша жел күшейіп, шығыста жаяу бұрқасын соғады.

Өңірлер бойынша ауа температурасы:

Батыста: түнде 2–9 градус жылы, күндіз 8–17 градус жылы болады.

Солтүстікте: түнде 2–10 градус аяз, күндіз 2 градус аяз бен 5 градус жылы аралығында болады.

Орталықта және шығыста: түнде 5–15 градус аяз, күндіз 3 градус аяз бен 5 градус жылы аралығында болады.

Оңтүстікте: түнде 1–8 градус аяз, күндіз 5–12 градус жылы болады.

Оңтүстік-шығыста: түнде 3–8 градус, таулы аудандарда 11–16 градус аяз болады. Күндіз 2–10 градус жылы, таулы аудандарда 1–6 градус аяз күтіледі.