Заңсыз ұтыс ойындарын ұйымдастырғандар айыппұл төледі

Заңсыз ұтыс ойындарын ұйымдастырғандар 40 млн-ға жуық айыппұл төледі, деп хабарлайды Arbat.Media.

Мониторинг және жеке тұлғалардан түскен өтініштер негізінде биыл 89 адам Әкімшілік құқық бұзушылық туралы кодексінің 445-1-бабының 6-бөлігі бойынша әкімшілік жауапкершілікке тартылды. Бұл туралы Туризм және спорт министрлігі хабарлады.

Еске сала кетсек, лотерея операторы емес тұлға лотерея ұйымдастыратын болса, жеке тұлғаларға 100 АЕК, ал шағын кәсіпкерлік субъектілеріне (жеке кәсіпкерлер) 300 АЕК мөлшерінде айыппұл қарастырылған.