Жасөспірімді есірткі тасымалдауға пайдаланған ер адам ұсталды

Жасөспірімді есірткі тасымалдауға пайдаланған ер адам ұсталды, деп хабарлайды Arbat.Media.

Қаржы мониторингі агенттігі Қарағанды облысында ірі көлемдегі есірткі заттарын заңсыз тасымалдау дерегінің жолын кесті.

Бақылап жеткізу әдісімен жүргізілген арнайы операция барысында Тайланд Корольдігінен есірткі арнасын ұйымдастырған азамат анықталды.

Күдікті өзінің танысы – кәмелетке толмаған жасөспірімді «дроп» ретінде пайдаланып, есірткі салынған пошталық сәлемдемені «Қазпошта» арқылы оның атына рәсімдеген.

Жеке тінту кезінде одан 1,3 келі есірткі заты – каннабис WAX тәркіленді.

Тергеу барысында күдіктінің Қарағанды қаласында Telegram мессенджері арқылы «жертөле» әдісімен есірткі таратқаны да анықталды.