Заира Сабитова

6 қараша 2024 / Новости Казахстана

Түркі мемлекеттері ұйымының Орталық банктер кеңесі құрылады

Түркі мемлекеттері ұйымының Орталық банктер кеңесі құрылады. Бұл туралы бүгін Бішкекте өткен Түркі мемлекеттері ұйымының саммитінде сөйлеген сөзінде Мемлекет басшысы Қасым-Жомарт Тоқаев мәлім етті. Мемлекет басшысы сөзінде ұйымға мүше елдер арасында қаржы-инвестиция саласындағы ынтымақтастықты нығайту қажет екенін айтты. Қасым-Жомарт Тоқаевтың пікірінше, бұл бағытта Түркі инвестициялық қоры ерекше рөл атқарып келеді. Сонымен қатар Президент тараптардың Орталық банктер кеңесін құру туралы бастаманы бірауыздан құптағанын жеткізді. 

6 қараша 2024 / Евразия

Қырғызстан түркі тілдес халықтар кітапханасын құруды ұсынды

Бішкекте өткен Түркі мемлекеттері ұйымының XI саммитінде сөз сөйлеген Қырғызстан президенті Садыр Жапаров түркі тілдес халықтар кітапханасын құруды ұсынды. «Бұл жоба түркі әлемінің символы және мәдени алмасу алаңы болады», - деді Қырғызстан басшысы. 

6 қараша 2024 / Новости Казахстана

50-мен жүрмегені үшін салынған айыппұл кешірілді

50-мен жүрмегені үшін салынған айыппұл кешірілді. Сергек камераларының баптауына шектеу енгізілгенімен, жол бойына жылдамдықты 50-ге дейін шектеу керектігі туралы белгі орнатуды ұмытып кеткен сыңайлы. Алматыда бес мыңнан аса автобус жүргізушісіне ұйғарым келген. 

6 қараша 2024 / Евразия

Түркия Қырғызстанның 62,3 миллион доллар қарызын кешірді

Түркия Қырғызстанның 62,3 миллион доллар қарызын кешірді. Бұл туралы Қырғызстан Президенті Садыр Жапаров Бішкекке мемлекеттік сапармен барған Түркия басшысы Режеп Тайип Ердоғанмен келіссөздер қорытындысы бойынша өткен баспасөз мәслихатында мәлімдеді. «Президент Ердоғанға Қырғызстанның Түркия алдындағы сыртқы қарызын өтеу туралы шешім қабылдағаны үшін үлкен алғысымды білдіремін», деді Садыр Жапаров. 

6 қараша 2024 / Новости Казахстана

Декларация: Дүниесін тіркемегендердің есеп-шоты бұғатталады

Жалпыға бірдей декларацияның үшінші кезеңінде тиесілі дүниесі мен иелігіндегі мал мүлкін тіркемегендердің есеп-шоты бұғатталады. Тек қаржы министрлігі жазалауға кіріспес бұрын, тағы бір ай беріп отыр. 

6 қараша 2024 / Новости Казахстана

Мемлекеттік қызметкерлер сыйақысыз қалмайды

Мемлекеттік қызметкерлер сыйақысыз қалмайды. Әсіресе жыл соңында сыйақыны «күреп» алатын шенді-шекпенділердің көңілін орнына түсірген жаңалықты бүгін қаржы министрлігі бөлісті. Тіпті үнемделген қаражаттан берілетін сыйақыға ешкім тыйым салған жоқ деп отыр. 

6 қараша 2024 / Новости Казахстана

Сейсмологтар: Алматыда 7 балдан жоғары жер сілкінісі болмайды

Алматыда 7 балдан жоғары жер сілкінісі болмайды. «Алаңдауға негіз жоқ» деген сейсмолог мамандар зілзалаға қатысты осындай болжам жасап отыр. Бүгін Алматы маңында магнитудасы төрт жарым болатын жер сілкінісі тіркелді. Қарқыны қала тұрғындарына 3 балл болып сезілген. Бірақ дабыл жүйесі сол күйі іске қосылмады. Тест жасап тексерілген Mass Alert жүйесінен де тұрғындардың телефонына хабарландыру түспеген. 

6 қараша 2024 / Новости Казахстана

«Хуторлықтар». Хасан Қасымбаев сот шешімімен екі айға қамауға алынды

Атышулы Хасан Қасымбаев сот шешімімен екі айға қамауға алынды. Бұлтартпау шарасын бүгін Қонаев қаласының соты қабылдаған. Жұрт «Хуторлықтар» қылмыстық тобының басшысы деп айыптаған Хасан Қасымбаев сенбіде ұсталған болатын. Ол талғарлық Шерзаттың өліміне қатысты емес, үш жыл бұрынғы өзге қылмыс бойынша тұтқындалған. Яғни 2021 жылы ережесіз жекпе-жек шебері Арман Әлімовті ұрып-соғуға, артынан ұрлауға тапсырыс берді деген күдікке ілініпті.

6 қараша 2024 / Новости Казахстана

Алматыда жер қозғалысын тіркейтін станциялар жеткілікті ме

Алматы өңірінде 40-қа жуық сейсмикалық станциялар жұмыс істейді.Алайда, бұл станциялар саны мегаполис үшін жеткіліксіз.Бұл туралы Kazinform агенттігіне Сейсмологиялық байқау және зерттеулер ұлттық ғылыми орталығы директорының ғылым жөніндегі орынбасары Елизавета Есенжігітова айтты.