Журналист
Артылған үміт ақталмады. Париж олимпиадасына арналған қорытынды алқа отырысында спорт және туризм министрі үдеден шықпаған федерация басшыларын сынады.
Қарағандыдағы перзентханада үш алып нәресте дүниеге келді. Бірінің салмағы бес жарым келі болса, қалған екеуі де соған жетеқабыл. Кесер тілігі арқылы жарық дүние есігін ашқан сәбилер дін аман. Бірақ дәрігерлер алпамсадай балалардың көбеюі дұрыс емес деп отыр.
Енді қазақстандықтар ұялы байланыс қызметін пайдалану үшін биометриядан өтуге тиіс. Бұл бірінші кезекте өзгелердің құжатын пайдалану арқылы ұялы телефон нөмірін тіркейтін алаяқтарымен күрес мақсатында қолға алынып отыр.
Жол-көлік апаты кезінде үш баласы мен күйеуінен айырылған С.Жақсылықова жазықсыз жауапқа тартылғаны үшін моральдық және материалдық шығынды өндіруді талап етті. Сот шешімімен оған 3,3 млн теңге өндірілді.
Ақтөбеде адам өлімімен аяқталған жаппай төбелеске кінәлілер сот алдында жауап бере бастады. Айыпталушы — алты жігіт. Олар адам өлтіріп, бұзақылық жасағаны үшін қамауға алынған болатын.
Судья Telegram-ның негізін қалаушы Павел Дуровты алдын ала жауап алу және тағылған айыптар үшін полицияда ұстауды тоқтатты. Тергеу судьясы алдын ала жауап алу мен айыптау қорытындысын күткенге дейін полицияда ұстауды тоқтатты, – деді француз журналистері.
Израильдің Палестина эксклавына жаппай шабуылдары 327 күн бойы жалғасуда. 2023 жылдың 7 қазанынан бері Израиль армиясының блокададағы Газа секторына жасаған шабуылдарынан құрбан болғандар саны 40 534 адамға жетті. Израильдің эксклавтың әртүрлі аймақтарына құрлықтан, теңізден және әуеден жаппай шабуылдары 327-ші күннен бері тоқтаған жоқ.
2024 жылғы Париж Олимпиадасында дзюдодан чемпион атанған Елдос Сметов енді төрт жылдан кейін Лос-Анжелесте өтетін дүбірлі додаға дайындалатынын айтты. «Осы уақытқа дейін Олимпиада алтынын алып, спорттағы карьерамды аяқтағым келді. Алайда Демеу Жадыраев 34 жасында Олимпиада ойындарында күміс медаль алғаннан кейін ойым өзгерді. Демеу мүмкін емес дүние жоғын дәлелдеді. Лос-Анжелесте өтетін Олимпиадаға дайындалып, көк туымызды тағы да биікке көтергім келеді», - дейді Елдос Сметов.
Николай Дуров ағасымен бірге Францияда 2024 жылы 25 наурызда балалар порнографиясын сақтауға немесе таратуға қатысты ірі көлемдегі іс бойынша іздеуге жарияланды, деп жазады Politico. Бұл енді ғана белгілі болды. Басылым Францияның құқық қорғау органдарының құжатына сілтеме жасайды. Дуровтарды іздеу туралы ордер Telegram француз билігінің балалар порнографиясын жасады деген күдікке ілінген ер адамның жеке басы туралы сұрауына жауап бермеген соң шығарылды.