Журналист
Орынборда тағы 800 үйді су басты. Облыс губернаторы Денис Паслер мәлім еткендей, Жайық өзеніндегі су деңгейі 11,71 метрге жетті, бұл қауіпті деңгейден екі метрден астам жоғары. Сонымен бірге, оның айтуынша, қазір су тоқтап қалған.
Сиднейде сауда орталығында пышақпен жасалған шабуылдан бес адам қаза тапты. Австралияның мегаполисінде белгісіз біреу пышақпен сауда орталығына келушілерге шабуыл жасады.
Германияда құжаттарда жынысыңызды өзгерту оңайырақ болады Бундестаг Германияда 1981 жылдан бері қолданылып келе жатқан транссексуалдар туралы заңды алмастыратын жеке өзін-өзі анықтау туралы заң қабылдады.
АҚШ пен Ұлыбритания Ресейден металл импорттауға эмбарго енгізді. Ресейден шыққан алюминий, мыс және никельге тыйым салынды. Екі ел билігінің мәлімдемесіне сәйкес, Чикаго мен Лондондағы биржаларда бұл металдармен сауда жасауға тыйым салынады.
ЕО Ресейдің Еуропадағы сайлауға араласуына қатысты тергеуді бастады. Бельгияның федералды прокуратурасы Еуропаның Украинаға қолдауын әлсірету үшін Мәскеуден қаржы алды деген күдікке ілінген Еуропарламенттің бірқатар депутаттарына қатысты тергеуді бастады.
Мемлекет басшысы Қасым-Жомарт Тоқаев еліміздегі жойқын су тасқынының салдарын жою және зардап шеккен азаматтарға көмектесу үшін басқа шараларға жұмсалатын қаржыны барынша үнемдеу қажет екенін ескере отырып, биылғы 13-14 маусымға жоспарланған Астана халықаралық форумын өткізбеу туралы шешім қабылдады.
Внуково-Алматы бағытындағы рейс ұшып келгеннен кейін көлік полицейлері ҰҚК шекара қызметі қызметкерлерімен бірлесіп, Ресей Федерациясының 32 жастағы азаматын ұстады.
Ақмола облысының Астрахан ауданында табиғи сипаттағы төтенше жағдай жарияланды. Бұл Көкшетау қаласынан бөлек, облыста төтенше жағдай жарияланып отырған 5-ші аудан.
Еліміздің 6 өңірінде су басқан үйлердің саны 4 мыңнан асты. «Жедел желі» телефонына 1 568 қоңырау түсіп, психологтар зардап шеккен адамдарға писхологиялық көмек көрсетуде. Еліміздің 8 өңірінде Ақтөбе, Қостанай, Батыс Қазақстан, Ақмола, Қарағанды, Атырау, Солтүстік Қазақстан және Ұлытау облыстарында жергілікті ауқымдағы 36 ТЖ әрекет етеді.