Журналист
Бүгін 7 сәуір күні таңғы сағат 11 шамасында Атырау облысы ТЖД күшімен екі адамның денесі табылды. Бұл туралы Атырау облыстық ТЖД баспасөз қызметі мәлім етті,.
Орскідегі бөгеттің бұзылуына байланысты тасқын су Орынборға жетті. Сәуірдің 7-сі күні таңертең Жайық өзеніндегі су деңгейі 30 см-ге жуық көтерілді. Орынборда 1300-ден астам үй шаруашылығы мен 403 тұрғын үйді су басты. Жергілікті билік 900-ге жуық адамды эвакуациялады.
Эстония Украина қарулы күштері үшін 2,5 миллионға дейін снаряд сатып алу мүмкіндігін жариялады. Эстония Сыртқы істер министрі Ханно Певкур Таллиннің Чехия сияқты Украина армиясы үшін оқ-дәрі сатып алуға қабілетті екенін айтты.
НАТО Бас хатшысы DW арнасына берген сұхбатында Украинаға бұдан да көп көмектесуіміз керек деп айтты. Йенс Столтенберг Украинаның Ресей Федерациясына қарсы күресу қабілетін дәлелдегенін, сондықтан қазір альянстың басты мақсаты Киевке қолдауды дереу арттыру екенін атап өтті.
Қостанай облысы әкімінің орынбасары Арман Әбенов өңірдің су тасқынымен қалай күресіп жатқанын айтып берді. Шенеуніктің айтуынша, облыстың оңтүстігіндегі су тасқыны жағдайы тұрақталды. Күш Қостанай облысының басқа аудандарына бағытталды. Қазір Қаратомар су қоймасы қарқынды толып жатыр (99%). Сондай-ақ, Қостанайға қарай қуаты секундына 2 640 текше метр су ағып жаты.
Мемлекет басшысы осы қиын-қыстау кезде уақытша сынақтарды еңсеру үшін қоғамды біріктіріп, бірге күш жұмылдыруға шақырды. Медицина қызметкерлері құтқарушылармен және басқа да шұғыл қызметтермен қатар барлық мұқтаж жанға медициналық көмекке үздіксіз қол жеткізуді қамтамасыз ете отырып, күшейтілген режимде жұмыс істейд.
Қазақстан Республикасы Денсаулық сақтау министрлігі қолайсыз су тасқыны жағдайлары орын алған өңірлерде ауыз сумен жабдықтау сапасына тұрақты мониторинг жүргізуде. Эпидемияға қарсы және профилактикалық іс-шаралар шеңберінде Санитариялық-эпидемиологиялық бақылау комитетінің аумақтық бөлімшелері орталықтандырылған және орталықтандырылмаған сумен жабдықтау көздерінің нысандарына күшейтілген бақылау жүргізуде.
Топан су астында қалған өңірлерде халыққа медициналық көмек көрсетіліп жатыр. Бұл туралы Денсаулық сақтау министрлігінің ресми өкілі Әйгерім Уразалиева мәлім етті.
Атырау облысында 1 сәуірден бері тасқын су қаупінен 26 467 адам эвакуацияланды. Оның ішінде 5 976 бала бар. Атырау облыстық Төтенше жағдайлар департаменті қоғаммен байланыс тобының мәліметіне сүйенсек, Құлсары қаласында 2 810 тұрғын үй және инфрақұрылымдарды су басқан.