Өзбекстанда 1,5 миллионнан астам азамат кедейліктен арылады

Өзбекстанда 1,5 миллионнан астам азамат кедейліктен арылады. Республикада 2024-2025 жылдарға арналған кедейшілікті азайту және халықтың әл-ауқатын жақсарту бойынша шаралар қабылданады. Өзбекстан президенті «Кедейлікті азайту және халықтың әл-ауқатын жақсарту жөніндегі шараларды жаңа кезеңге шығару туралы» Жарлыққа қол қойды, - деп хабарлайды Arbat.media.

Бұл құжатқа сәйкес, биліктің биылғы басты міндеттерінің бірі елдегі 500 мың адамды кедейшіліктен шығару болмақ. 2025 жылы тағы 1 миллион азаматқа көмек көрсету жоспарлануда.

Жарлық аясында «Кедейліктен әл-ауқатқа» бағдарламасы жүзеге асырылып, оны жүзеге асыру үшін комиссия құрылады. Бағдарлама 1 қарашада басталып, «Аз қамтылған отбасылар үшін жеті мүмкіндік және жауапкершілік» қағидасы бойынша жұмыс істейді.Шенеуніктер тұрақты жұмыспен қамтуға, кепілдендірілген мемлекеттік денсаулық сақтау, білім беру және әлеуметтік қызметтерге қолжетімділікті қамтамасыз етуге, сондай-ақ жалпы республикадағы өмір сүру жағдайларын жақсартуға күш салады.

2024 жылдың 1 желтоқсанынан бастап Ұлттық әлеуметтік қорғау агенттігі мемлекеттік бағдарлама аясында әлеуметтік жағдайлар мен кедейліктің себептерін зерттей келе, аз қамтылған отбасылардың тізілімін қалыптастыруда.