Тәжікстан 2025 жылдың басынан бастап ТМД төрағасы болады
2025 жылдың 1 қаңтарынан бастап Тәжікстан бұл қызметте Ресейді алмастырып, Тәуелсіз Мемлекеттер Достастығына (ТМД) жаңа төраға болады. Мұндай шешім 8 қазанда Мәскеуде өткен ТМД қатысушылары мемлекет басшыларының саммитінде қабылданды. Жиынға Қазақстан, Ресей, Тәжікстан, Армения, Әзірбайжан, Қырғызстан, Өзбекстан, Беларусь және Түркіменстан басшылары қатысты, - деп хабарлайды Arbat.media.
Өз сөзінде Рахмон Тәжікстанның ТМД көшбасшысы ретіндегі жұмысының негізгі бағыттарымен таныстырды.
Рахмонның айтуынша, басты басымдықтардың бірі Достастықтың жұмысын жолға қою болмақ.
Ол халықаралық аренада қауымдастықтың оң имиджін нығайтудың және экология, экономика, сауда және мәдениет сияқты салаларда белсенді өзара іс-қимылды жалғастырудың маңыздылығын атап өтті.
Сонымен қатар, маңызды дата – Ұлы Отан соғысындағы Жеңістің 80 жылдығына ерекше назар аударылады.
Тәжікстан басшысы, сондай-ақ, ТМД аясында тәуекелдер мен қауіпсіздік қатерлерімен күресу бойынша ынтымақтастық күшейтілетінін айтты.
