800 мыңға жуық палестиналық Рафахтан қашып кетті - БҰҰ

Біріккен ұлттар ұйымының Таяу Шығыстағы Палестиналық босқындарға көмек көрсету және жұмыс жөніндегі агенттігінің (UNRWA) бас комиссары Филипп Лазаринидің айтуынша, Израиль армиясының операциясы салдарынан үйін тастап кеткен палестиналықтар өзін қорғансыз сезінеді, - деп хабарлайды Arbat.media.

«Газа секторында қауіпсіз аймақтар жоқ», - деп жазды UNRWA басшысы.

Лазарини палестиналықтар қашып жатқан аймақтарда шұғыл гуманитарлық көмек көрсету үшін «ең төменгі шарттар» жоқ екенін айтты.

Бұдан бұрын хабарланғандай, Израиль қорғаныс күштері Газа секторында белсенді ұрыс қимылдары мен әуе шабуылдарын қайта бастаған.

Мемлекеттік лагерь альянсының басшысы және Израильдің төтенше жағдай үкіметінің үш мүшесінің бірі Бенни Ганц Израиль премьер-министрі Биньямин Нетаньяхудан 8 маусымға дейін Газа секторындағы соғыстан кейінгі реттеу стратегиясын дайындауды талап етті.

Әйтпесе, ол әскери үкіметтен кетемін деп қорқытты.