БҰҰ Қауіпсіздік кеңесі Ресей мен АҚШ-тың қарарларын қабылдамады
БҰҰ Қауіпсіздік кеңесі Ресей мен АҚШ-тың Таяу Шығысқа қатысты қарарларын қабылдамады, - деп хабарлайды Arbat.media.
Ұсынылған қарарлардың ешқайсысы қайта қабылданбады: Ресей мен Қытай америкалық жобаға вето қойды, ал ресейлік құжат жеткілікті дауыс жинай алмады.
Екі қарар жобасы да зорлық-зомбылықты, соның ішінде ХАМАС-тың Израильге жасаған шабуылдарын айыптап, гуманитарлық көмек жеткізуге шақырады. Сонымен бірге, Ресей «гуманитарлық негізде дереу, тұрақты және толықтай құрметтейтін атысты тоқтатуға» шақырады. Мәскеу, сонымен қатар, Израильден Газа секторының тұрғындарын анклавтың оңтүстігіне көшіру туралы бұйрықтың күшін жоюды талап етіп отыр.
Америкалық жоба кез келген елдің өзін-өзі қорғау құқығын атап өтіп, халықаралық құқықты сақтауға және терроризмді қаржыландыруды тоқтатуға шақырады. Ол сондай-ақ «гуманитарлық үзіліс» жариялауды ұсынады. Дегенмен АҚШ-тың нұсқасында ресейлік жобадан айырмашылығы атысты тоқтатуға шақыру жоқ.
