CNN: Навальныйдың өлімінен кейін хакерлер FSIN-нен тұтқындар туралы деректерді жүктеп алды

Навальныйды өлтіргеннен кейін соғысқа қарсы хакерлер FSIN жүйесінен тұтқындар туралы деректерді жүктеп алды.  Америкалық телеарна хабарлағандай, жүктелген дерекқорда тұтқындар мен олардың туыстарының 800 000-ға жуық жеке деректері бар.  Журналистер онда аталған адамдардың Ресейдегі түрме, колонияларында отырғанына көз жеткізді. CNN хабарлауынша, хакерлер колонияларда күнделікті тауар сататын компанияның сайтын бұзған, - деп хабарлайды Arbat.media.

19 ақпанда аталмыш сайттың басты бетінде тұтқындарға арналған дүкендердегі азық-түлік бағасы 1 рубльге дейін төмендегені туралы хабармен Алексей Навальный мен оның жұбайы Юлия Навальнаяның суреті жарияланды.

Навальныйлар суреті компанияның сайтында 20 ақпанда болды, деп қосады Mediazona.

Сонымен қатар, аталған хабарламада хакерлер өздері туралы былай деп жазған: «Біз, IT мамандары, бүгінгі Ресейден кеттік, біз өз елімізді жақсы көреміз және ол Путиндік режимнен азат болғанда ғана қайтамыз. Және бұл жолда біз ақырына дейін жетеміз. Жасасын Ресей, Жасасын Алексей Навальный».

FSIN әзірге болған оқиғаны жоққа шығарды.

«FSIN деректер базасын бұзу фактілері тіркелген жоқ, жарияланған ақпарат тексерілуде», - деп хабарлады ТАСС агенттігіне департамент.