Франциядағы сайлаудың алдын ала қорытындысы
Францияда Ұлттық ассамблеяға кезектен тыс сайлауда дауыс берудің бірінші кезеңі өтті. Еуропарламент сайлауынан кейін Франция президенті Эмманюэль Макрон Ұлттық ассамблеяны таратып, мерзімінен бұрын сайлау тағайындау туралы шешім қабылдады, - деп хабарлайды Arbat.media.
Жексенбіде 49,3 млн-нан астам француз парламенттік сайлаудың бірінші кезеңіне қайта дауыс беруге шақырылды, - деп жазады Kazinform агенттігі.
Алдын ала болжам бойынша, Марин Ле Пеннің «Ұлттық бірлестігі» 34,2% дауыспен (240–270 депутат) «Жаңа халықтық майданнан» озып, бірінші орында тұр. «Солшыл партиялар альянсы» 29,1% (180–200 депутат) дауыс жинады.
Президенттік «Жандану» партиясы мен оның одақтастары «Модем» мен «Көкжиектер» 21,5% дауыс жинап (60–90 депутат), үшінші орында тұр. Одан кейін тізімде 10% дауысқа ие болған республикашылдар (30-50 депутат) тұр.
Бұл 1978 жылдан бері дауыс беруге келген халық саны ең көп сайлау болды. Сағат 18:00-де оған қатысқан француздар саны 59,39% -ға дейін өсті.
«Ұлттық бірлестік» жетекшісі Марин Ле Пен оның партиясына абсолютті көпшілік дауыс қажет екенін айтты.
«Сегіз күннен кейін Джордан Барделла премьер-министр болып тағайындалуы үшін бізге абсолютті көпшілік дауыс қажет», - деді Марин Ле Пен Ұлттық ассамблеяға сайлаудың бірінші турының алдын ала қорытындылары жарияланғаннан кейін бірнеше минут өткен соң.
