Оңтүстік Кореяда заңсыз жүрген қазақстандықтар өз еркімен елден кете алады

Оңтүстік Кореяда заңсыз жұмыс істеген қазақстандықтар үшін ережелер жеңілдетілді, деп хабарлайды Arbat.Media.

Енді олар елден айыппұлсыз және қайта кіруге тыйым салынбай кете алады.

Еңбек министрлігінің хабарлауынша, ерікті түрде шығу бағдарламасы 2025 жылдың желтоқсанынан 2026 жылдың ақпанына дейін жұмыс істейді. Осы кезеңде заңсыз мәртебесі бар қазақстандықтар Кореядан ешбір қиындықсыз кете алады.

Бірақ жеңілдік бәріне бірдей қарастырылмаған. 2025 жылғы 1 желтоқсаннан кейін қылмыстық құқық бұзушылық жасағандар, мәжбүрлеп шығарып жіберілетіндер немесе заңсыз мәртебеге ие болғандар рақымшылыққа ілікпейді.