Politico: ЕО сыртқы істер министрлері Венгриядағы саммитке бойкот жарияламақ

Еуроодақ сыртқы істер министрлері Венгриядағы саммитке бойкот жариялап, өз бетінше өтуге ниетті. Politico журналистерінің хабарлауынша, Еуропалық Одақ елдерінің сыртқы істер министрлері 28-29 тамыз аралығында ЕО кеңесіне төрағалық ететін Венгрия өткізіп жатқан сыртқы істер саммитіне бойкот жариялаудың өзіндік әдісін ойлап тапты, - деп хабарлайды Arbat.media.

Аты-жөнін атамауды өтінген ЕО-ның жоспарды тікелей білетін үш дипломаты басылымға ЕО-ның сыртқы саясат басшысы Жозеп Боррелль министрлерді Орбан саммитімен қатар «ресми» сыртқы істер кеңесіне шақыратынын айтты.

Жоспарды бірнеше ЕО елдері, соның ішінде Франция мен Германия бейресми түрде мақұлдады және Борреллдің командасы оны сәрсенбіде ЕО-ның 27 тұрақты өкілімен талқылайды.

Бұл қадамға ЕО басшылығының Венгрияның ЕО Кеңесіне төрағалық етуіне қарамастан, Орбанның одақ атынан Мәскеумен келіссөздер жүргізуге ешқандай өкілеттігі болмағанына қатты наразылығы себеп болды.

Сыртқы істер саммитіне бойкот жариялау арқылы ЕО сыртқы істер министрлері «Венгрия ЕО атынан сөйлемейтіні туралы нақты белгі беруді» жоспарлап отыр», - деді дипломаттардың бірі басылымға.

«Егер Боррель ұйымдастырған ресми сыртқы істер кеңесі сол күні өтсе, министрлер Будапештке бара алмайды», - деді Politico-ға басқа дереккөз.